Thalaite leh incheina
Hmasawnna in Zoram nasa takin a tuam a. Keini ang India hmarchhak State kilkhawr leh ram chhengchhia atang pawhin khawvel tukverhah kan dak ve a. Fashion lamah pawh nasa taka hmasawnin khawvel hmun hrang hrang a mite incheina te hmu in kan kawtkaiah pawh kan inhmeh leh hmeh loh te, kan mawipui leh mawipui loh pawh thliar chuang lovin kan lo ching ve zela. Amaherawhchu hetih lai hian fashion lama zoram kan than dan hi chu kan inbih chian atul hle in a hriat a ni. A bik takin thalaite hian mawhphurhna lian tak kan nei awm e.
Incheina hian mi timawiin mihringte miti mihring tu tak pawh a ni a. Hetiang ang taka pawimawh thil anih avang hian incheina ah hian kan fimkhur a tul hle a ni. Mi puitling leh puitling lo tehna langsar leh pawimawh tak pakhat chu incheina hi a ni. Ram changkang apiangah incheina a zahawmin an entawn tlak em em a keini mizo te pawhin zirtur tam tak kan nei awm e. Keimahni nalh tih dan zawng ringawta ahun leh hmun thliar lo a kan inchei thin chuan mite mak tih kan hlawh thei hial awm e. Zahawmna hi incheina hian a ken tel tlat avangin fimkhur atul hle. Keini ang hnam naupang zingah incheina felfai taka kalpui hi kan la ching tamlo hle niin a lang. Tin, kan incheina te hian kan nundan phung thlenga a nghawng thin avangin kan fimkhur a tul hle a ni.
Kan incheina thuamhnaw te chu a man to a ni emaw a man tlawm a ni emaw, fai taka enkawl tur a ni a. Thawmhnaw man tam pui pawh enkawl fai that a nih loh chuan a zahawm thin lo a ni. Tunlai thalaite zingah a bikin nula ho incheinaah hian in enfiahna tur tam tak a awm thei awm e. Khawlai thawhnaw lutuk (party dress), biakin ah kan lalut ta zel mai te hi kan sim a tha awm e. Kan inchei dan atang hian kan rilru put hmang thui tak alan theih avangin kan fimkhur a pawimawh em em a. Biakin chhungah kawr pan lutuk hak te, pawnfen chhing lutuk te leh taksa lang tam thei kawr ban bul lutuk hak te hi chin loh atan a tha hle. Rual u zawkte chuan, "Biakin a hak atana mawi thawmhnaw chu khawi hmunah pawh a zahpuiawm loh a ni" an lo ti thina. He thu hi a dik thui viau awm e.
Chutih rual chuan incheina felfai leh zahawm kan sawi mek lai hian a hun leh a hmun kan thliar thiam erawh a tul hle ang. Hnatlanna hmuna fai taka incheia hnathawk tha leh ngam mang silo te pawh kan awm ta zel mai em tih pawh ngaihtuah ngai tak a ni. Hei hi chu kan thupui sawi tum incheina zahawm in a kawh tum lam a ni lovang. Tin, incheina kan tih hian kan thuamhnaw ringawt hi ni lovin kan sam, hmai leh tlereuh chi hrang hrang kan inbel dan te pawh hi a huam vek awm e. Tunlai nula ho zingah mit dum dan chintawk hrelo te, hmai hnawi dan chin tawk hre lo te pawh an lo awm ta zel mai. Tin, bengbeh lian lutuk beh t, thi maksak pui pui awrh te leh zungbun uchuak taka bun te hi mawi lamah a kal lova Kristian Thalai te phei chuan kan chin loh a tha hle. Mipa pawh sam maksak leh duhdah lutuka sawngbawl ching te pawh an lo pung mek zel a ni. Heng zawng zawng hian kan nitin nunah mi chiah mahsela midangte entawn tlaka kan awm theihnan incheina zahawm thlang thiam ila, eng fashion pawh lo chhuak sela a hun leh hmun thliar thiam chungin lo nei ve mai ila hma kan sawn zawk ngei ang le.
Kan incheina thuamhnaw te chu a man to a ni emaw a man tlawm a ni emaw, fai taka enkawl tur a ni a. Thawmhnaw man tam pui pawh enkawl fai that a nih loh chuan a zahawm thin lo a ni. Tunlai thalaite zingah a bikin nula ho incheinaah hian in enfiahna tur tam tak a awm thei awm e. Khawlai thawhnaw lutuk (party dress), biakin ah kan lalut ta zel mai te hi kan sim a tha awm e. Kan inchei dan atang hian kan rilru put hmang thui tak alan theih avangin kan fimkhur a pawimawh em em a. Biakin chhungah kawr pan lutuk hak te, pawnfen chhing lutuk te leh taksa lang tam thei kawr ban bul lutuk hak te hi chin loh atan a tha hle. Rual u zawkte chuan, "Biakin a hak atana mawi thawmhnaw chu khawi hmunah pawh a zahpuiawm loh a ni" an lo ti thina. He thu hi a dik thui viau awm e.
Chutih rual chuan incheina felfai leh zahawm kan sawi mek lai hian a hun leh a hmun kan thliar thiam erawh a tul hle ang. Hnatlanna hmuna fai taka incheia hnathawk tha leh ngam mang silo te pawh kan awm ta zel mai em tih pawh ngaihtuah ngai tak a ni. Hei hi chu kan thupui sawi tum incheina zahawm in a kawh tum lam a ni lovang. Tin, incheina kan tih hian kan thuamhnaw ringawt hi ni lovin kan sam, hmai leh tlereuh chi hrang hrang kan inbel dan te pawh hi a huam vek awm e. Tunlai nula ho zingah mit dum dan chintawk hrelo te, hmai hnawi dan chin tawk hre lo te pawh an lo awm ta zel mai. Tin, bengbeh lian lutuk beh t, thi maksak pui pui awrh te leh zungbun uchuak taka bun te hi mawi lamah a kal lova Kristian Thalai te phei chuan kan chin loh a tha hle. Mipa pawh sam maksak leh duhdah lutuka sawngbawl ching te pawh an lo pung mek zel a ni. Heng zawng zawng hian kan nitin nunah mi chiah mahsela midangte entawn tlaka kan awm theihnan incheina zahawm thlang thiam ila, eng fashion pawh lo chhuak sela a hun leh hmun thliar thiam chungin lo nei ve mai ila hma kan sawn zawk ngei ang le.
Comments
Post a Comment